Bugun TerDU majlislar zalida rektorimiz hamda Ijtimoiy himoya milliy agentligi Surxondaryo viloyati boshqarmasi boshlig'i ishtirokida imkoniyati cheklangan talabalar bilan ochiq va samimiy muloqot bo‘lib o‘tdi.
Uchrashuv avvalida A.Toshqulov imkoniyati cheklanganlik – kamchilik emas. Kamchilik — befarqlik va e’tiborsizlikdir,” — dedi
Ma’lumot o‘rnida bugungi kunda universitetimizda 300 nafar imkoniyati cheklangan talaba ta’lim olmoqda. Ularni qo‘llab-quvvatlash va rag‘batlantirish maqsadida rektor buyrug'iga asosan yil ham bazaviy stipendiyaning 4 barobari miqdorida moddiy yordam berilmoqda.
Muloqot davomida talabalarning yutuqlari ham alohida e’tirof etildi. Jumladan: Xorijiy filologiya fakultetining 3-kurs talabasi Sirojov Istam bu yilgi universitet stipendiyasi sohibi bo‘ldi; Parasportchi talabalarimiz xalqaro musobaqalarda 2 ta bronza, respublika musobaqalarida esa 9 ta medal (3 oltin, 2 kumush, 5 bronza)ni qo‘lga kiritishdi.
Uchrashuv davomida, mas’ullar tomonidan inson qadri tamoyili asosida amalga oshirilayotgan islohotlar, yaratilayotgan sharoit va imkoniyatlar xususida ma’lumotlar berildi.
Tadbir fayzli dasturxon atrofida samimiy suhbatlar bilan davom etdi.
