"Oʻzbekiston Respublikasi Konstitutsiyasi - erkin va farovon hayot garovi" shiori ostida viloyat prokuraturasida ochiq eshiklar kuni oʻtkazildi.
Unda Termiz Davlat Universiteti yuridik fakulteti murabbiy va talabalari ishtirok etdi.
Dastlab, viloyat prokuraturasi rahbariyati bilan talaba yoshlar oʻrtasida davra suhbati oʻtkazildi.
Soʻngra, tadbir ishtirokchilariga viloyat prokuraturasida tashkil etilgan “Maʼnaviyat burchagi” hamda “Surxondaryo viloyati prokuraturasi tarixi muzeyi” faoliyati tanishtirilib, viloyat prokuraturasining tarixiy rivojlanish bosqichlari, prokuratura faxriylari hamda qatagʻon qurboni boʻlgan xodimlar Ali Hamrabayev, Ali Yakushkin, Ashraf Baxodirov va Hakim Tuyaqovlar xotirasiga oid maʼlumotlar soʻzlab berildi.
Shuningdek, jismoniy va yuridik shaxslarning murojaatlari bilan ishlash borasida qabulxona faoliyati, prokuratura xodimlarining saf koʻrigi amaliyoti, sport mashgʻulotlari oʻtkazish maydonchalari hamda "Yashil makon" loyihasi doirasida amalga oshirilgan koʻkalamzorlashtirish tadbirlari tanishtirib oʻtildi.
Bu kabi maʼnaviy-maʼrifiy tadbirlar tizimli ravishda davom ettiriladi.
