Surxondaryo viloyati prokuraturasi xodimlari tomonidan joylarda aholining turli qatlamlari bilan, shu jumladan yosh avlod vakillari bilan muntazam uchrashuvlar oʻtkazib kelinmoqda.
Xususan, "Oʻzbekiston Respublikasi Konstitutsiyasi - erkin va farovon hayot garovi" shiori ostida viloyat prokuraturasida ochiq eshiklar kuni oʻtkazildi.
Unda Termiz Davlat Universiteti Xorijiy filologiya fakulteti murabbiy, talabalari va ommaviy axborot vositalari vakillari ishtirok etdi.
Dastlab, tadbir ishtirokchilariga viloyat prokuraturasida tashkil etilgan “Maʼnaviyat burchagi” hamda “Surxondaryo viloyati prokuraturasi tarixi muzeyi” faoliyati tanishtirilib, viloyat prokuraturasining tarixiy rivojlanish bosqichlari, prokuratura faxriylari hamda qatagʻon qurboni boʻlgan xodimlar Ali Hamrabayev, Ali Yakushkin, Ashraf Baxodirov va Hakim Tuyaqovlar xotirasiga oid maʼlumotlar soʻzlab berildi.
Shuningdek, prokuratura xodimlarining saf koʻrigi amaliyoti, sport mashgʻulotlari oʻtkazish maydonchalari hamda "Yashil makon" loyihasi doirasida amalga oshirilgan koʻkalamzorlashtirish tadbirlari tanishtirib oʻtildi.
Bu kabi maʼnaviy-maʼrifiy tadbirlar tizimli ravishda davom ettiriladi.
