TerDU delegatsiyasi Qozog‘istonda xalqaro ilmiy maydonda ishtirok etmoqda.

Ayni kunlarda Termiz davlat universiteti  professor-o‘qituvchilari Qozog‘iston Respublikasida bo‘lib, xalqaro hamkorlikning navbatdagi yirik loyihasida faol ishtirok etmoqda.

Ular  Akademik A. Quatbekov nomidagi Xalqlar do‘stligi universiteti ва Termiz davlat universiteti hamkorligida tashkil etilgan  “Sun’iy intellekt va raqamli texnologiyalar asosida elektron o‘quv vositalaridan foydalanish orqali filolog mutaxassislarni tayyorlash” mavzusidagi xalqaro ilmiy-amaliy konferensiyada ilmiy ma’ruzalari bilan qatnashmoqda.

 Konferensiya doirasida professor-o‘qituvchilar:
— zamonaviy filologiya ta’limida sun’iy intellekt va raqamli texnologiyalarning qo‘llanilishi,
— elektron o‘quv dasturlarining yangi avlodi,
— filolog mutaxassislarni tayyorlashda innovatsion yondashuvlar
kabi dolzarb yo‘nalishlarda ma’ruzalar taqdim etmoqda.

Bundan tashqari, delegatsiya Qozog‘istonning nufuzli ta’lim markazlaridan biri — Markaziy Osiyo innovatsiyalar universitetida stajirovka o‘tash jarayonida bo‘lib, ilg‘or tajribalarni o‘rganish, ilmiy hamkorlikni yanada kengaytirish ustida ish olib bormoqda.