Ayni kunlarda Termiz davlat universiteti O‘zbek adabiyotshunosligi kafedrasi professor-o‘qituvchilari QS reytingida 316-o‘rinni egallagan O‘sh davlat universiteti Filologiya fakultetida ma’ruza mashg‘ulotlari hamda seminar-treninglar o‘tkazmoqda.
Tashrif davomida:
Professor-o‘qituvchilarimiz mazkur nufuzli universitet talabalari va professor-o‘qituvchilari uchun maxsus ma’ruzalar tashkil etdilar.
Kelgusida amalga oshiriladigan qo‘shma ilmiy-amaliy loyihalar bo‘yicha hamkorlik aloqalarini mustahkamlashga doir vazifalar belgilab olindi.
Oliy ta’lim jarayonini tashkil etish borasidagi ilg‘or tajribalar, dars jarayonlari va ilmiy muhit bilan yaqindan tanishildi.
O‘sh davlat universiteti va Termiz davlat universiteti o‘rtasida filologiya yo‘nalishlarida talabalarning o‘zaro almashinuvini yo‘lga qo‘yish borasida kelishuvlarga erishildi.
Mazkur tashrif ikki tomonlama hamkorlikni yanada kengaytirish, ilmiy salohiyat va o‘quv jarayonini takomillashtirishga xizmat qiladi.
