Davlatimiz bayrog‘i qabul qilinganligining 34 yilligi munosabati bilan fakultetlarda “Bir Vatan — Bir El — Bir Bayroq” shiori ostida ma’naviy-ma’rifiy tadbirlar bo‘lib o‘tdi.
Sportchi talabalar va professor-o‘qituvchilar ishtirok etgan tadbirda O‘zbekiston mudofaasiga ko‘maklashuvchi “Vatanparvar” tashkiloti harbiy xizmatchilarining vatanparvarlik ruhidagi chiqishlari ishtirokchilarga bayramona kayfiyat ulashdi.
Shuningdek, Al Xorazmiy, Al Farobiy kabi ajdodlarimizning izdoshlari bo‘lgan talabalar va ularning ustozlari qatnashgan mazkur tadbir ham ko‘tarinki ruhda tashkil etildi. Tantanali tadbir doirasida turli tanlov va musobaqalarda g‘oliblikni qo‘lga kiritgan talaba-yoshlar munosib rag‘batlantirildi.
Talabalar nafaqat badiiy chiqishlari orqali bayrog‘imizni tarannum etdilar, balki kimyoviy moddalar orqali bayrog‘imiz tasvirini yaratib o‘z ijodkorliklarini namoyish etdilar.
