A.Toshqulov mas’ullar hamrohligida kampus hududida amalga oshirilayotgan qurilish va obodonlashtirish ishlarini ko‘zdan kechirdi.
Tashrif davomida joriy hamda kapital rekonstruksiya qilingan binolardan samarali foydalanish, ularni o‘quv va ta’lim jarayoniga to‘liq moslashtirish masalalari muhokama qilindi.
Rektor hududdagi yo‘lakchalarni qisqa muddatda ta’mirlab, harakatlanish uchun yanada qulay holatga keltirish bo‘yicha mas’ullarga aniq topshiriqlar berdi.
Shuningdek, katta majlislar zalida olib borilayotgan rekonstruksiya ishlari bilan tanishar ekan, ushbu maskan talabalar va professor-o‘qituvchilar uchun shinam, zamonaviy va barcha zarur qulayliklarga ega bo‘lishi zarurligini ta’kidladi.
