Bugun Termiz davlat universiteti rektori A.Toshqulov mas’ullar hamrohligida kampus hududida amalga oshirilayotgan bunyodkorlik va obodonlashtirish ishlari bilan yaqindan tanishdi.
Rektor xizmat ko‘rsatuvchi tadbirkorlik subyektlarining mahsulotlari sifati va tannarxini o‘rganib, ular faoliyatini yanada takomillashtirish yuzasidan tegishli ko‘rsatmalar berdi.
Yotoqxonalar oldidagi soya-salqin hududlarda talabalar dam olishi uchun o‘rindiqlar sonini ko‘paytirish bo‘yicha aniq topshiriqlar berildi.
Shuningdek, kapital rekonstruksiyadan o‘tkazilgan Registrator ofisida bo‘lib, buyurtma asosida olib kelingan zamonaviy mebel jihozlari bilan tanishdi.
Tushlik vaqtida rektor talabalar bilan birgalikda oshxonada ovqatlanib, ularning fikr va takliflarini tingladi.
