Termiz davlat universitetida birvarakayiga ikkita zamonaviy sport majmuasi — xalqaro standartlarga mos tennis korti hamda fitnes klubining tantanali ochilish marosimi bo‘lib o‘tdi!
Bayramona ruhda o‘tgan tadbirda faxriy ustozlar, keng jamoatchilik vakillari va talaba-yoshlar ishtirok etishdi. So‘z olgan A.Toshqulov yangi sport inshootlarining ishga tushirilishi — sog‘lom turmush tarzini qaror toptirish yo‘lidagi muhim tashabbus ekanligini ta’kidladi.
Faxriylar esa TerDUda amalga oshayotgan bunyodkorlik ishlari, talabalarga yaratilayotgan imkoniyatlar eʼtirof etib, ezgu tilaklar bildirdilar. Yangi fitnes klubi ham talabalar va professor-o‘qituvchilar uchun salomatlikni mustahkamlash, energiya va ijobiy kayfiyat manbai bo‘lishi shubhasiz.
Ma’lumot o‘rnida: dushanba, chorshanba, juma kunlari — soat 18:00–20:00 da erkaklar, seshanba, payshanba kunlari — soat 17:00–19:00 da ayollar shug‘ullanishlari mumkin.
