Turkiyaning Anqara shahrida Xalqaro TURKSOY tashkiloti hamda Anqara Haji Bayram Vali universiteti tashabbusi bilan buyuk ma’rifatparvar, jadidchilik harakatining yetuk namoyandasi Mahmudxo‘ja Behbudiy tavalludining 150 yilligiga bag‘ishlangan xalqaro ilmiy simpozium o‘tkazilmoqda.
Mazkur nufuzli anjumanda O‘zbekiston ilmiy jamoatchiligi vakillari qatorida Termiz davlat universiteti dotsenti, PhD Nodira Egamqulova ham faol ishtirok etmoqda.
Ushbu xalqaro ilmiy uchrashuvda Turk dunyosining yetakchi jadidshunos olimlari, tarixchilar va ma’naviyat tadqiqotchilari Behbudiy merosi, Turkiston jadidchiligi harakati hamda uning bugungi avlod tafakkuridagi o‘rni haqida ma’ruzalar taqdim etmoqdalar.
Mahmudxo‘ja Behbudiy — millatni uyg‘otgan, fikr va ma’rifat mayog‘idir. Uning g‘oyalari bugungi kunda ham ma’naviy mustaqilligimizning asosiy tayanchlaridan biridir.