Bugun Termiz davlat universiteti talabalari O‘zbek tili bayrami munosabati bilan yurtimiz faxri bo‘lgan buyuk mutafakkir Alisher Navoiy haykali o‘rnatilgan maydonda o‘tkazilgan ma’naviy-ma’rifiy tadbirdan jo‘shqin tuyg‘ular bilan qaytdilar.
Shu ruhda ular o‘z fakultetlarida “Til — millat ko‘zgusi” shiori ostida adabiy-badiiy kechalar tashkil etdilar.
Uchrashuvlarda ona tilimizning beqiyos go‘zalligi, sofligini asrash barchamizning muqaddas burchimiz ekani haqida ma’ruzalar tinglanib, talaba-yoshlar tomonidan she’r va sahna ko‘rinishlari, kuy va qo‘shiqlarga boy ko‘ngilochar dasturlar namoyish etildi.
Ona tili — bu millatning yuragi, uning or-nomusi, ruhiy kuchidir!
Uni asrash, rivojlantirish, avlodlarga sof holda yetkazish esa har birimizning fuqarolik burchimizdir.
Bugungi tadbirlar nafaqat bayram, balki o‘zlikni anglash, milliy g‘urur va ma’naviy yuksalish bayrami bo‘ldi!
