Termiz davlat universitetida O‘zbekiston Fanlar akademiyasi V.I.Romanovskiy nomidagi Matematika instituti bilan hamkorlikda o‘tkazilayotgan “Algebra va analizning dolzarb masalalari” mavzusidagi xalqaro ilmiy-amaliy anjuman bugun ham o‘z ishini sho‘ba yig‘ilishlari shaklida davom ettiyapti.
Sho‘balarda nafaqat respublikamizning yetakchi olimlari, balki xorijiy mamlakatlardan tashrif buyurgan akademiklar, professor-o‘qituvchilar, doktorantlar va yosh tadqiqotchilar o‘z ilmiy ishlanmalari bilan ishtirok etishmoqda.
Anjuman doirasida akademiklar va ilmiy jamoatchilik vakillari bilan uchrashuvlar, tajriba almashish sessiyalari ham tashkil etildi. Bundan tashqari anjuman ishtirokchilariga universitetda joriy etilgan KPI baholash tizimi xususida maʼlumotlar berildi.
Tadbir ilmiy hamkorlikni yanada mustahkamlash, yosh olimlar salohiyatini oshirish hamda fundamental fanlar rivojiga xizmat qilayotganligi bilan ahamiyatlidir.
