2-oktabr kuni soat 14:00 da Termiz davlat muhandislik va agrotexnologiyalar universitetining katta majlislar zalida yoshlar hayotida katta voqea bo‘lib o‘tdi — “TalabaExpo-2025” kasb ko‘rgazmasi o‘z faoliyatini boshladi!
Tadbirda Oliy ta’lim, fan va innovatsiyalar vazirligi mas’ullari, nufuzli kompaniyalar asoschilari va yetakchi mutaxassislar ishtirok etib, talabalarga bebaho maslahatlari hamda motivatsion nutqlarini taqdim etdilar.
Ushbu ko‘rgazmada vohadagi barcha oliy ta’lim muassasalari talabalari faol ishtirok etdi. Ayniqsa, TerDU talabalari o‘zining innovatsion startap loyihalari haqida maʼlumotlar berib, ishtirokchilarda katta qiziqish uyg‘otdi.
Marosim nafaqat kasbiy imkoniyatlar maydoni, balki yoshlarning orzu va intilishlarini haqiqatga aylantirish sari dadil qadam bo‘ldi.
Kelajak siz bilan boshlanadi!
