Termiz davlat universitetining “TerDU” professional futbol klubi birinchi liga musobaqalarida muvaffaqiyatli ishtirok etib kelmoqda. Jamoa bugungi bellashuvda BuxDU futbolchilariga qarshi oʻyin oʻtkazib, raqibni 3:1 hisobida magʻlub etdi.
Mazkur gʻalaba keng nishonlanayotgan “Ustoz va murabbiylar kuni” bayrami munosabati bilan universitet jamoasi uchun chinakam tuhfa boʻldi.
Ayni paytda “TerDU” professional futbol klubi Pro-ligaga chiqish yoʻlida ishonchli va qat’iy qadamlar bilan odimlamoqda. Universitet rahbariyati jamoaning sa’y-harakatlarini yuksak qadrlab, futbolchilar va murabbiylarga keyingi uchrashuvlarda ham ulkan zafarlar tilaydi.
