A.Toshqulov universitet kampusida yangi 2025/2026 o‘quv yiliga tayyorgarlik doirasida amalga oshirilayotgan qurilish, joriy ta’mirlash va rekonstruksiya ishlarining borishi bilan yaqindan tanishdi.
Xalqaro hamkorlikdagi franshiza majmuasi Malayziyaning nufuzli Utara universiteti bilan hamkorlikda tashkil etilayotgan franshiza majmuasida olib borilayotgan rekonstruksiya ishlari, ma’ruza zallari va auditoriyalardagi joriy ta’mirlash jarayonlari ko‘zdan kechirildi.
Rektor shuningdek, talabalar va ustozlar o‘rtasida sog‘lom turmush tarzini targ‘ib etish, sportning tennis turini rivojlantirish maqsadida barpo etilayotgan xalqaro standartlarga mos tennis maydoni qurilish jarayoni bilan ham tanishdi.
Yangi sport maydoni 24 soat faoliyat yuritishi rejalashtirilgani bois, yoritish tizimlari ham yuqori standartlar asosida o‘rnatilishi belgilandi. Jarayonda rektor tomonidan ishlar sifatli va muddatida amalga oshirilishi, zamonaviy hamda energiya tejovchi jihozlardan samarali foydalanish bo‘yicha mas’ullarga aniq ko‘rsatmalar berildi.
Rektor kun tartibiga ko'ra ertaga ham kampusdagi yangi o‘quv yiliga tayyorgarlik holatlari ko'zdan kechiriladi.
