Termiz davlat universiteti arxeologiya yo’nalishi doktoranti Jasur Turdiyev Tojikiston Milliy muzeyi, Tarix, arxeologiya va etnografiya instituti hamda Rossiya Fanlar akademiyasi Etnologiya va antropologiya instituti hamkorligidagi xalqaro ekspeditsiyada ishtirok etmoqda.
Tadqiqotlar Tojikistonning “Sari Mayn” nomli qabriston hududida olib borilmoqda. Bu yerda 5–8 asrlarga oid 30 ga yaqin inson skeletlari topilgan. Ahamiyatli jihati shundaki, marhumlarning ko‘pchiligi mumiyalashgan bo‘lib, skeletlar ideal holatda saqlangan.
Antropologlar tomonidan qoldiqlarning yoshi, jinsi, kasallik belgilari aniqlanmoqda. Ushbu tadqiqotlar nafaqat Tojikiston, balki butun O‘rta Osiyo hududining qadimgi aholisi, ularning etnik kelib chiqishi va salomatlik holati haqida muhim ma’lumotlar berishi kutilmoqda.
Termiz davlat universiteti tadqiqotchilarining xalqaro ilmiy maydondagi faol ishtiroki biz uchun faxrdir!
