Bugun Sherobod tumanidagi Kasbiy koʻnikmalar markazida "Karyera kuni va mehnat yarmarkasi" bo‘lib o‘tdi. Tadbir Termiz davlat universiteti, Sherobod tuman hokimligi hamda Kambagʻallikni qisqartirish va bandlikka koʻmaklashish boʻlimi hamkorligida tashkil etildi.
Dastlab uchrashuv tashkil etilib, Fizika-matematika fakulteti vakillari yoshlar bilan ochiq muloqot o‘tkazishdi. Ular TerDUdagi o‘qish imkoniyatlari, kasb tanlashdagi muhim jihatlar va taʼlimning bugungi kundagi ahamiyati haqida tushunarli ma’lumotlar berishdi.
Tadbir sherobodlik yoshlar uchun kelajakda kasb tanlashda foydali va ilhomlantiruvchi manba boʻlib xizmat qildi. Oliy ta’lim sari ishonch bilan qadam tashlashga undadi.
