Termiz davlat universiteti rektorining 2025-yil 8-apreldagi 190-T-son va 2025-yil 19-maydagi 245-T-son buyruqlariga asosan, Rangtasvir (dastgohli) bakalavriat ta'lim yo'nalishining 4-bosqich bitiruvchi kurs talabalarining Bitiruv malakaviy ishi himoyasi bo'lib o'tdi. Talabalar o'zlari tanlagan mavzulari asosida Surxondaryo viloyatining ijtimoiy, ma'naviy, madaniy hayotini mohirona aks ettirgan ijodiy asarlarini ta'riflab, tavsiflab berishdilar. Bitiruvchi talabalar 4 yillik o'qish faoliyatlari davomida olgan bilim, ko'nikma va malakalarini ushbu yaratgan asarlari orqali namoyish etishdilar.
Himoya jarayonlari uchun barcha zaruriy shart-sharoitlar yaratilgan.
Masalan, talabgorlarning yaqinlari himoya jarayonlarini onlayn tarzda bevosita kuzatish imkoniyatiga ega bo'lishdi.
Shuningdek, bitiruv malakaviy ishlarini sifatli va xolis baholash maqsadida Termiz davlat pedagogika instituti va Ro‘zi Choriyev nomidagi Surxondaryo ixtisoslashtirilgan san’at maktab internatidan Komissiya raisi va a'zolari jalb etilib, ularning shaxsan ishtiroki ta'minlandi.
