Mazkur musobaqani tashkil etilishidan ko‘zlangan asosiy maqsad talabalar o‘rtasida sport orqali sog‘lom turmush tarzini keng targ‘ib qilish, ularda jismoniy va harbiy-amaliy ko‘nikmalarni rivojlantirishdan iborat.
Musobaqa 2 ta asosiy shart bo‘yicha o'tkazildi. Unda har bir fakultet jamoasi o‘zining jismoniy tayyorgarligi, tezkorligi, harbiy va sportga oid bilim hamda ko‘nikmalari bilan bahsga kirishdi.
Bellashuv yakuniga ko‘ra, quyidagi jamoalar g‘oliblikni qo‘lga kiritdi:
1-o‘rin – Sport faoliyati va boshqaruvi fakulteti jamoasi, yuqori jismoniy tayyorgarligi, chaqqonligi va uyg‘un jamoaviy harakati bilan boshqalardan ajralib turdi.
2-o‘rin – Yuridik fakulteti jamoasi, musobaqadagi qat’iyatli ishtiroki va intizomi bilan e’tiborni tortdi.
3-o‘rin – Milliy libos va san’at fakulteti jamoasi, ularning izlanuvchanligi va sportga bo‘lgan qiziqishi tahsinga sazovor bo‘ldi.
