2025-yil 24-may kuni Termiz davlat universiteti Tabiiy fanlar fakultetida “Dunyoning nufuzli TOP-1000 talik universitetlari reytingida 163-o‘rinda turuvchi Qozog‘istonning Al-Farobiy nomidagi Milliy universitet tajribasini o‘rganish va uni TerDU Tabiiy fanlar fakulteti faoliyatida istiqbolda qo‘llash” mavzusida seminar tashkil etildi.
.jpg)
Seminarda fakultet dekani professor-o‘qituvchilarga muhim fikr va topshiriqlarni taqdim etdi. Jumladan, quyidagilar alohida ta’kidlandi:
Fakultet va universitet miqyosida xalqaro hamkorlik yildan-yilga kengayib borayotgani va bu jarayonda har bir pedagog faol ishtirok etishi lozimligi;
Xalqaro faoliyatda har bir professor-o‘qituvchining shaxsiy hissasi muhim ahamiyatga ega ekani;
O‘quv yili yakunida har bir pedagogning faoliyati chuqur tahlil qilinib, uning natijalari asosida 2025/2026-o‘quv yili uchun yuklamalar aniqlanishi.
.jpg)
Seminar davomida al-Farobiy nomidagi Milliy universitet tajribasidan o‘rinli foydalanish, ilmiy salohiyat va akademik mobilitetni oshirishga qaratilgan takliflar muhokama qilindi. Ushbu tadbir fakultetda xalqaro standartlarga mos taraqqiyot yo‘nalishlarini belgilab olishda muhim qadam bo‘ldi.
