"Xavfsizligimizni o‘zimiz ta'minlaymiz" — rektor A.Toshqulov.
Rektor huzurida o‘tkazilgan yig‘ilishda belgilangan topshiriqlar ijrosiga amaliy kirishildi. Unda mas’ullarga universitet hududidagi piyodalar o‘tish yo‘laklarini yotiq yo‘l chiziqlari bilan bo'yash orqali harakat xavfsizligini ta’minlash yuzasidan ko‘rsatmalar berilgan edi.
E’tiborga molik jihati shundaki, ushbu yo‘l chiziqlari uchun ishlatilayotgan bo‘yoqlar TerDU olimlari tomonidan yaratilgan. Ular tunda yorug‘likni qaytarish xususiyatiga ega bo‘lib, tashqi ta’sirlarga bardoshli va uzoq muddat davomida o‘z sifatini yo‘qotmaydi.
Mazkur tashabbus yo‘l harakati ishtirokchilarining xavfsizligini oshirishga xizmat qiladi.
