“Sportchi – yurt himoyachisi!” shiori ostida TerDUda sport oyligi tadbirlari avjida
Oliy ta’lim muassasalarida 2025-yilning may oyi “Sport oyligi” deb e’lon qilinib, mamlakat bo‘ylab “Sportchi – yurt himoyachisi!” shiori ostida ommaviy sport tadbirlari jadal ravishda tashkil etilmoqda.
Mazkur tashabbus O‘zbekiston Respublikasi Prezidentining 2020-yil 30-oktyabrdagi PF-6099-sonli “Sog‘lom turmush tarzi va ommaviy sportni rivojlantirish to‘g‘risida”gi Farmoni ijrosini ta’minlash doirasida amalga oshirilmoqda. Shu munosabat bilan Termiz davlat universitetida ham talabalar o‘rtasida sportning 12 turi bo‘yicha musobaqalar uyushtirilmoqda.
Universitetda o‘tkazilayotgan bellashuvlar katta sport festivali tusini olgan bo‘lib, ular nafaqat sog‘lom turmush tarzini targ‘ib etmoqda, balki talaba-yoshlar uchun madaniy hordiq chiqarish, do‘stona muhitda vaqt o‘tkazish imkonini ham yaratmoqda.
Mazkur tadbirlar yoshlarni sog‘lom turmush tarziga, jismoniy faollikka da’vat etish bilan birga, ularni vatanparvarlik, jamoaviylik va hamjihatlik ruhida tarbiyalashda ham muhim ahamiyat kasb etmoqda.
