"O‘zbekiston bo‘ylab sayohat qil!" dasturi doirasida TerDU faxriy ustozlari yurtimizning diqqatga sazovor maskanlari bilan tanishishdi
Prezidentimiz tashabbusi bilan amalga oshirilayotgan “O‘zbekiston bo‘ylab sayohat qil!” dasturi milliy qadriyatlarimiz va tarixiy merosimizni keng targ‘ib etish, shuningdek, fidoyi ustoz va olimlarimizni moddiy-ma’naviy qo‘llab-quvvatlashga qaratilgan muhim loyihalardan biridir.
Mazkur dastur doirasida Termiz Davlat Universiteti rahbariyati va kasaba uyushmasi tashabbusi bilan universitetning faxriy ustozlari va xodimlari uchun yurtimizning tarixiy va zamonaviy inshootlari bo‘ylab keng ko‘lamli sayohat uyushtirildi.
Ushbu madaniy-ma’rifiy tadbirda 50 nafarga yaqin ustozlar ishtirok etib, milliy merosimiz sanalgan buyuk tarixiy obidalar, istiqlol yillarida bunyod etilgan zamonaviy inshootlar hamda keng ko‘lamli qurilish-obodonlashtirish ishlari bilan yaqindan tanishdilar.
Sayohat ishtirokchilari Prezidentimiz rahnamoligida amalga oshirilayotgan islohotlar samarasini o‘z ko‘zlari bilan ko‘rib, mamlakatimiz taraqqiyoti, ma’naviy yuksalishi va turizm salohiyatining yuksalayotganidan mamnun ekanliklarini ta’kidlashdi.
