Unda Milliy gvardiyaning Surxondaryo viloyati bo‘yicha boshqarmasi mas’ul xodimi, Termiz davlat universitetining xotin-qizlar masalalari bo‘yicha kengash raisi, Axborot texnologiyalari hamda Fizika-matematika fakultetlarining xotin-qizlar masalalari bo‘yicha dekan maslahatchilari va talaba-qizlar ishtirok etdilar.
Tadbirda qizlar o‘rtasida uchrab turadigan huquqbuzarlik turlari, ularning salbiy oqibatlari, shuningdek, qonunbuzarlikka qarshi kurashishning huquqiy va axloqiy asoslari haqida atroflicha ma’lumot berildi. Milliy gvardiya vakillari amaliy misollar va hayotiy voqealar asosida qizlarni huquqiy jihatdan bilimli, faol va mas’uliyatli bo‘lishga chaqirdilar.
Davra suhbati ochiq muloqot ruhida o‘tdi. Qizlar o‘zlarini qiziqtirgan savollarga javob oldilar, huquqiy masalalar yuzasidan fikr almashdilar.
