TerDUda talaba-yoshlarning bo‘sh vaqtlarini mazmunli tashkil etish, ularni ommaviy sport turlariga jalb etgan holda jismoniy va aqliy rivojlanishini ta’minlash hamda turli musobaqalar orqali munosiblarini rag‘batlantirib borish maqsadida fakultetlar kesimida “Dekan kubogi” bellashuvlarini tashkil etish muntazamlik kasb etgan.
Ayni kunlarda ham fakultetlarda qizg‘in musobaqalar bo‘lib o‘tmoqda. Masalan:
O‘zbek filologiyasi,
Xorijiy filologiya,
Kimyo fakultetlari talabalari “Dekan kubogi” bellashuvlari asnosida sportning voleybol turi bo‘yicha o‘z jismoniy salohiyatlarini sinovdan o‘tkazishdi.
Yuridik fakulteti talabalari esa futbol maydonida kubok g‘olibini aniqlashdi.
Ijtimoiy fanlar fakulteti talabalari esa quvnoq startlari musobaqasi orqali chaqqon va epchilliklarini namoyon etishdi.
Tabiiy fanlar fakulteti talabalari “Dekan kubogi” musobaqasi asnosida birvarakayiga sportning stol tennisi, shaxmat, futbol va voleybol turlari bo‘yicha musobaqalarga kirishishdi.
E’tiborli tomoni g‘oliblar mas’ul va tashkilotchilar tomonidan munosib rag‘batlantirildi.
