TerDU dotsenti Dilnoza Jo‘rayeva Boku shahrida bo‘lib o‘tayotgan “Changemakers Summit-2025” Britaniya-Italiya-Ozarbayjon hamkorligidagi sammitda ishtirok etmoqda
.jpg)
Ushbu anjuman yangi g‘oyalar, ilg‘or tajribalar va global hamkorliklar uchun o‘ziga xos platforma bo‘ldi. U dunyo bo‘ylab turli sohalarda ijobiy o‘zgarishlarga hissa qo‘shayotgan ta’lim va fan vakillarini, yosh yetakchilarni hamda innovatorlarni bir joyga jamladi.
.jpg)
Sammitda barqaror rivojlanish, raqamli ta’lim, iqlim o‘zgarishi va yoshlarning global jarayonlardagi ishtiroki kabi dolzarb mavzular muhokama qilindi.
Anjuman doirasida Boku davlat universiteti bilan xalqaro aloqalarni yanada kengaytirish bo‘yicha istiqbolli takliflar ilgari surildi.
Bu tashabbus ikki oliygoh o‘rtasidagi ilmiy-akademik hamkorlikni yanada rivojlantirish va talabalar uchun yangi imkoniyatlar yaratishga xizmat qiladi.
