TerDUda yoshlarda korrupsiyaga nisbatan toqatsiz munosabatni shakllantirish maqsadida “Korrupsiya rivojlanishimizga to‘siq”, “Yoshlarning huquqiy madaniyatini oshirish” va “Yoshlar o‘rtasida huquqbuzarlik va jinoyatchilikning oldini olish” mavzularida davra suhbati tashkil etildi
Unda korrupsiyaga qarshi kurashish bo‘yicha faoliyatni amalga oshiruvchi davlat organlari vakillari, professor-o‘qituvchilar, tyutor hamda 400 nafarga yaqin talabalar ishtirok etishdi. Muloqotlarda korrupsiya dunyo miqyosida hal etilishi lozim bo‘lgan global muammolardan biri ekanligi, ushbu illat har qanday davlat va jamiyatning siyosiy-iqtisodiy rivojlanishiga jiddiy putur etkazib, inson huquq va erkinliklarining poymol bo‘lishiga olib keladigan omil ekanligi hayotiy misollar bilan izohlandi.
Tadbir jarayonida ishtirokchilarga korrupsiyaga qarshi kurashishda muvaffaqiyatli natijalarga erishgan xorijiy davlat tajribasi aks ettirilgan videoroliklar namoyish etildi.
