Davlatimiz rahbarining 2023-yil 17-fevraldagi “2023-yilda qayta tiklanuvchi energiya manbalarini va energiya tejovchi texnologiyalarni joriy etishni jadallashtirish chora-tadbirlari to‘g‘risida”gi Qarori ijrosi doirasida joriy yil boshida TerDUda quvvati 1000 kVt bo‘lgan fotoelektr stansiyasi faoliyati yo‘lga qo‘yildi.
Hozirda bu stansiya orqali TerDUning elektr energiyasiga bo‘lgan ehtiyoji to‘liq ta’minlanib, 145 833 kVt energiya hududiy ET korxonasi bilan tuzilgan shartnoma asosida 720 so‘mdan sotilmoqda.
Prezidentning 14.06.2024 yildagi “Energiya resurslardan foydalanish samaradorligini oshirish bo‘yicha qo‘shimcha chora – tadbirlar to‘g‘risida”gi PQ-222-son Qarori asosida yana 1000 kVt stansiya qurilishi rejalashtirilgan.
Oliygoh hududidagi avtoturargohlarning tom qismida ham quyosh panellarini o‘rnatilishi orqali yana oyiga 33 ming 600 kVt elektr energiyasi ishlab chiqarishga erishilmoqda.
