Fakultetda tanqidiy ruhda oʻtkazilgan yigʻilishda dastlab oʻquv jarayoni va taʼlim sifati boʻyicha amalga oshirilgan ishlar va yoʻl qoʻyilgan xato hamda kamchiliklar boʻyicha maʼlumot berildi.
Shundan soʻng jamoaning KPI tizimida qayd etgan natijalari taqdimoti boʻlib oʻtdi.
Ma'lumot uchun, ushbu fakultet KPI tizimida universitet fakultetlari orasida 8 oʻrinda boʻlib, ilmiy salohiyat 52,38% ni tashkil etadi. Hozirda fakultetdan KPI tizimi boʻyicha 210 nafar oʻqituvchidan bor yoʻgʻi 17 nafar oʻqituvchi ustama haq olmoqda.
Rektor jamoaning tizimdagi natijasi ilmiy salohiyatga yarasha emasligini taʼkidlab, koʻrsatgichi past boʻlgan professor-oʻqituvchilarga alohida vazifalar yukladi. Fakultet dekan va kafedra mudirlariga yanada jonbozlik koʻrsatib, yangicha uslubda ishni tashkil etish boʻyicha koʻrsatmalar berdi.
Natijalar keyingi 6 oylikda qayta koʻrib chiqilishi alohida taʼkidlandi.
