Rektor A.Toshqulov universitetning ichki ta'lim yo‘nalishlarida o‘qishning shaklini o‘zgartirish va tiklash bo‘yicha ariza topshirgan talabalar bilan uchrashib, ularning bu boradagi muammo va takliflarini tingladi.
Murojaatlarning aksariyati shu yerning oʻzida hal etilib, vaqt talab etadiganlari boʻyicha masʼullarga tegishli topshiriqlar berildi.
Maʼlumotlarga koʻra, joriy yilda Termiz davlat universitetida qishki oʻqishni koʻchirish, tiklash boʻyicha jami 84 nafar talabalardan hujjatlar qabul qilingan. Shundan, kunduzgi taʼlimdan sirtqi taʼlim shakliga 65 nafar, kunduzgi taʼlimdan kechki taʼlim shakliga 2 nafar, oʻqishini qayta tiklash boʻyicha 6 nafar talabalardan kelib tushgan arizalar ijobiy hal etilgan. Kechki taʼlim shaklidan kunduzgi taʼlim shakliga koʻchirish boʻyicha 11 nafar talabalarning murojaatlari rad etilgan.
