Termiz davlat universitetida 11-fevral “Xalqaro ilm-fan sohasidagi xotin-qizlar kuni” munosabati bilan “Ilm-fan sohasida ayollar: yutuqlar va muammolar” mavzusida seminar boʻlib oʻtdi. Seminarda rektor A.Toshqulov ishtirok etib, bugungi kunda oliygohdagi olima ayollar nafaqat universitet hayotida, balki jamiyatimizda ham faol ekanliklarini alohida taʼkidladi.
Seminarda xotin-qizlarning ijtimoiy-iqtisodiy faolliklarini oshirish, borasida amalga oshirilayotgan ishlar, madaniy hayotidagi oʻzgarishlarda ayollarning tutgan oʻrni mavzularida maʼruzalar qilindi.
Tadbir soʻnggida eng faol xotin-qizlar maxsus tashakkurnoma bilan taqdirlanishdi.
Ma'lumot uchun, hozirgi kunda universitetda olimalar soni 89 nafarni tashkil etib, eng muhimi ularning 15 nafari 35 yoshgacha boʻlgan xotin-qizlardir.
