Termiz davlat universitetida ichki turizmni rivojlantirish boʻyicha chora-tadbirlar dasturi doirasida universitet kasaba uyushma qoʻmitasi hamkorligida 38 nafar ishchi-xodimlar Qashqadaryo va Samarqand shaharlarining diqqatga sazovor maskanlariga sayohat qilishdi.
Dastlab sayohatchilar Shahrisabzdagi Koʻk saroy, Oq Saroy, Dorut-Tilovat memorial majmuasi hamda A.Temur haykali kabi ming yillik tarixni oʻzida aks ettiruvchi meʼmoriy obyektlar va qadimiy yodgorliklarda boʻlishdi.
Sayohat Koʻhna va zamonaviy sivilizatsiya tutashgan shahar nafaqat xorijiy, balki mahalliy sayyohlar bilan hamisha gavjum boʻlgan Samarqandda davom etdi. Xodimlar Registon, Goʻri Amir maqbarasi, Ulugʻbek rasadxonasi, Hazrati Hizr majmuasi hamda Samarqand sitida boʻlib, zamonaviy majmualarni tomosha qilish orqali tarix nafasini his qilib, katta taassurotga ega boʻldilar.
