Termiz davlat universitetida oʻquv ishlari boʻyicha prorektor R.Toʻrayev, professor-oʻqituvchilar, tarixchi olimlar hamda Tailand Amaliy sanʼat departamenti Ijrochi direktori, Tailand muzeylari idorasi direktori Nitaya Kanokmongkol boshchiligidagi delegatsiya oʻrtasida uchrashuv boʻlib oʻtdi.
Dastlab uchrashuvda oliygoh imkoniyatlari toʻgʻrisida batafsil maʼlumot berildi. Xususan, arxeologiya sohasida erishilayotgan yutuqlar qayd etildi. Maʼlumot uchun aytish joizki, bugungi kunda TerDU Fransiya, Chexiya, Germaniya, Xitoy, Yaponiya, Italiya kabi rivojlangan davlatlarning arxeologiya markazlari bilan shartnomalar imzolagan boʻlib, hamkorlikda samarali tadqiqot ishlarini olib borishmoqda.
Uchrashuvda tarixiy yodgorliklarni tadqiq etish, ularni asrab-avaylash, restavratsiya qilish va bus-butunligicha kelajak avlodlarga yetkazish boʻyicha tajriba almashishga kelishib olindi.
Shundan soʻng, delegatsiya aʼzolari seksiyalarga boʻlingan holda tarix fakulteti talabalariga master-klass oʻtib berishdi.
Bizni kuzatishda davom eting!
