Termiz davlat universiteti kimyogar olimlari: prof. X.X.Turayev, prof.v.b. Sh.A.Kasimov, dos. Z.E.Jumayeva va doktorant N.D.Amanova Praga shaxrida bo‘lib o‘tayotgan “Yevropa universitetlarida ta’lim jarayonidagi innovatsiyalar” mavzusidagi o‘quv-amaliy seminarda faol ishtirok etishdi, shuningdek, ular Chexiya Respublikasi Fanlar akademiyasining Geyrovskiy nomidagi fizikaviy kimyo institutining ilmiy laboratoriyalari bilan yaqindan tanishdilar.
Geyrovskiy nomidagi fizikaviy kimyo instituti 1950-yil professor Yaroslav Geyrovskiy tomonidan Polyarografiya instituti sifatida tashkil etilgan va 1959-yilda prof. Y.Geyrovskiy analizning yangi elektrokimyoviy usuli – polyarografik analiz usulini ixtiro qilib, ushbu analiz usulini rivojlantirish sohasida jahon ilm-fanida erishgan yutuqlari uchun Nobel mukofotiga sazovor bo‘lgan.
Ya’ni Chexiya Respublikasidan 2 nafar olim Nobel mukofotiga sazovor bo‘lgan bo‘lsa, ulardan biri kimyogar olim Y.Geyrovskiydir.
Kimyogar olimlarimiz prof.Y.Geyrovskiy tomonidan ishlab chiqilgan tarixiy polyarograf bilan tanishdilar va ushbu institut olimlari bilan hamkorlikda ilmiy-tadqiqot ishlari olib borish, xalqaro loyihalarda qatnashish, nufuzli jurnallarda ilmiy maqolalar chop etish hamda yosh olimlarning qisqa muddatli ilmiy stajirovkalarini tashkil etish bo‘yicha kelishib oldilar.
Bizni kuzatishda davom eting!
