Termiz davlat universitetida O‘zbekiston Respublikasi Adliya vazirligi huzuridagi “Intelektual mulk markazi” davlat muassasasining “Ixtiro va foydali modelga hamda sanoat namunalariga talabnoma tayyorlash, ish yuritish va ekspertiza jarayoni” mavzusida seminar tashkil etildi.
Universitet professor-o‘qituvchilari, tadqiqotchilari, magistrlari uchun o‘tkazilgan tadbirda "Intellektual mulk markazi" davlat muassasasi Axborot resurs va TIQQMlar bo‘limi boshlig‘i S.A.Rahmonov, Ixtiro va foydali modellar bo‘limi boshlig‘i I.T.Abdukadirovlar tomonidan intellektual mulk hujjatlarini rasmiylashtirish tizimi orqali hujjatlarni shakllantirish, ixtiro uchun patentni olish bosqichlari ketma-ketligi, shuningdek, mualliflik huquqini himoya qilish hujjatlarini shakllantirish algoritmlari, ip.adliya.uz tizimi orqali talabnomalarni topshirish tartiblari ochib berildi.
Ishtirokchilar va “Intelektual mulk markazi” davlat muassasasi mutaxassislari o‘rtasida o‘zaro fikr almashinuv, savol-javob jarayonlari bo‘lib o‘tdi, intellektual mulk hujjatlarini rasmiylashtirish tizimiga oid elektron materiallar taqdim etildi.
Bizni kuzatishda davom eting!
