Xabar berib borayotganimizdek, test sinovlari jarayonlarini tashkil etish va ota-onalar ijtimoiy fikrini o'rganish maqsadida Termiz davlat universiteti va tajribali professor-o'qituvchilardan tashkil topgan Volontyorlar jamoasi 2023/2024-o‘quv yili uchun oliy ta’lim muassasalarining bakalavriat ta’lim yo‘nalishlariga kirish test sinovlarida faol ishtirok etmoqda.
Farzandlarining imtihon test jarayonlarini kuzatish maqsadida tashrif buyurgan ota-onalar bilan muloqot yo'lga qo'yilib, sotsiologik so'rovnomalar o'tkazilmoqda. Shuningdek, test jarayonlarini o'tkazish va kuzatish uchun yaratilgan sharoitlar haqidagi taklif va fikrlari o'rganilmoqda.
Imtihonlarning adolatli va shaffof o’tishini ta’minlash maqsadida jarayonlar to‘liq videokuzatuv ostida onlayn translyatsiya qilingan holda o‘tkazilmoqda.
Bizni kuzatishda davom eting!
