Universitetda 2022-yilning IV choragida 74 kVt quyosh paneli va 10 ta 200 litrlik quyosh kollektorlari, shuningdek, 2023-yil I-II chorakda 200 kVt quyosh paneli oʻrnatilib, bojxona “Yashil energiya” elektron platformasiga kiritilgan.
Dasturda belgilangan joriy yil II-III chorakdagi 1mV quyosh fotoelektrik panellarini oʻrnatish boʻyicha Termiz shahar hududidan 1,5 gektar joy ajratilgan boʻlib, hozirgi kunda loyiha hujjatlari tayyorlanmoqda.
Universitetning 4-sonli talabalar turar joyi hamda 8-9-oʻquv binolariga oʻrnatilgan fotoelektrik panellar bugungi kunda o'z samarasini berib, universitetda elektr energiyasini tejashda muhim ahamiyat kasb etmoqda. Bundan tashqari, ayni paytda 6-sonli talabalar turar joyining tom qismiga samarali maksimal energiya olish, talabalar turar joylarini issiq suv bilan uzluksiz taʻminlash uchun bosqichma-bosqich energotejamkor zamonaviy quyosh kollektorlarini ilmiy-texnik yechimlarga asoslangan holda oʻrnatish ishlari olib borilmoqda.
