Termiz davlat universiteti rektori, professor Avazjon Maraximov hamda bir guruh hindistonlik professorlar o‘rtasida xalqaro hamkorlikni kengaytirishga doir rasmiy uchrashuv bo‘lib o‘tdi.
Dastlab rektor eng yirik oliy taʼlim muassasasi hisoblangan Termiz davlat universiteti faoliyati, keyingi yillarda taʼlim sifati va samaradorligini oshirish, talabalarning munosib zamonaviy shart-sharoitlarda ta’lim olishlari uchun yaratilayotgan qulayliklar, yuz berayotgan yangiliklar, xorijiy oliy taʼlim muassasalari bilan hamkorlik aloqalari hamda erishilayotgan yutuqlar xususida to‘xtalib o‘tdi.
Uchrashuvda Termiz davlat universitetida turli yo‘nalishlarda samarali tadqiqot ishlari olib borilayotganligi va bu kabi uchrashuvlar tarix, IT, biologiya yo‘nalishlaridagi loyihalarni rivojlantirishga samarali xizmat qilishi alohida qayd etildi.
Termiz davlat universiteti rektori hindistonlik professorlarga xorijiy tillarni integrallashgan tarzda o‘qitish bo‘yicha taklifni ilgari surdi va bu borada hamkorlik aloqalarini o‘rnatish taklifini bildirdi. Uchrashuv davomida professor-o‘qituvchilar va talabalar almashinuvini yo‘lga qo‘yish bo‘yicha ham o‘zaro fikrlar almashildi.
Bizni kuzatishda davom eting!
