Xabar berganimizdek, Termiz davlat universiteti vakillari Malayziyada bo'lib turishibdi. Tashrif doirasida universitet rektori, professor A.Maraximov, professor I.Allakov, professor CH.Normurodov talabalar uchun seminar-trening o'tib berishdi.
Xususan, universitet rektori A.Maraximov sun'iy intellekt istiqbollari, rivojlanish tendensiyalari, turli sohalardagi yutuqlari xususida tinglovchilarga batafsil ma'lumot berdi.
Amaliy matematika va informatika kafedrasi mudiri, professor Chori Normurodov Begaliyevich "Navye-Stoks tenglamalarini uyurma-tok funksiyasi tizimida sonli modellashtirish" mavzusida maʼruza qildi.
Shuningdek, Algebra va geometriya kafedrasi professori Ismoil Allakov “Tub sonlar qatnashgan additiv masalalar” mavzusida ma’ruza qildi. Barcha ma'ruzalar talabalar tomonidan katta qiziqish bilan qabul qilindi.
Shundan so'ng, universitet rektori A.Maraximov TerDU faoliyati, oliygohda amalga oshirilayotgan keng ko'lamli ishlar, yangiliklar, erishilayotgan yutuqlarga doir prezentatsiya o'tkazdi.
Bizni kuzatishda davom eting!
