Joriy yilning 11-aprel kuni Prezident Shavkat Mirziyoyev raisligida “Yoshlar siyosati sohasidagi ishlar natijadorligini oshirish chora-tadbirlari” yuzasidan videoselektor yigʻilishi oʻtkazilgan edi. Unda Prezidentimiz yoshlar bandligini taʼminlash, ularni sifatli taʼlimga qamrab olish va boʻsh vaqtlarini mazmunli tashkil etish, ijtimoiy qoʻllab-quvvatlash hamda sogʻlom fikrlashlariga zamin yaratish boʻyicha vazifalar belgilab bergan edi.
14 yoshdan 30 yoshgacha boʻlgan yoshlarning ijtimoiy ahvoli, qobiliyati va qiziqishlari oʻrganilib, ular 3 yaʼni “yaxshi”, “oʻrta” va “ahvoli ogʻir” toifaga ajratib olindi. Uchinchi toifadagi 50 nafar eʼtiborga muhtoj yosh har bir vazir, vazir oʻrinbosarlari, viloyat, tuman va shahar hokimlari, sektor rahbarlari, oliygoh rektorlari va idoralarga biriktirib, ular bilan manzilli, aniq mezonlar asosida ish tashkil etilishi belgilab berildi.
Mazkur topshiriqlar ijrosini taʼminlash va ularning yashash sharoitlari, yoshlarning taʼlim olish jarayonlari bilan yaqindan tanishish va ularga amaliy koʻmak berish maqsadida Termiz davlat universiteti rektori A.Maraximov Denov tumanidan “qizil” toifaga kiritilgan barcha ijtimoiy himoyaga muhtoj yoshlar va ularning ota-onalari bilan uchrashdi. Ularning har biri bilan muloqotda boʻlib, muammolarini tingladi.
Bizni kuzatishda davom eting!
