Oliy ta’lim, fan va innovatsiyalar vazirligi tomonidan joriy hafta “Teatr haftaligi” deb e’lon qilingan. Bugungi dayjestimiz aynan Respublika oliygohlari talabalar teatr jamoalari tomonidan tashkil etilgan spektakllar namoyishi haqida:
Termiz davlat universitetida Ibrohim Sodiqovning “Afandining besh xotini” asari asosida Rasuljon Togʻayqulov rejissyorligi asosida sahnalashtirilgan “Ojiza demang bizni” nomli komedik spektakl namoyish etildi.
Qarshi davlat universiteti va Qarshi muhandislik-iqtisodiyot instituti talaba-yoshlari Qashqadaryo viloyat musiqali drama teatrida namoyish etilgan Nodar Dumbadzening “Hellados” spektakli tomoshasida ishtirok etdilar.
Jizzax politexnika instituti xodimlari hamda talaba-yoshlari Jizzax viloyati musiqali drama teatriga “Tanho yulduz” spektaklini tomosha qilish uchun tashrif buyurishdi.
Farg’ona davlat universiteti “Nilufar” talabalar teatr studiyasi tomonidan “Ilon boshi” nomli sahna ko'rinishi taqdim etildi.
Guliston davlat pedagogika instituti jamoasi viloyat Musiqali va drama teatriga tashrif buyurib “Husrav va Shirin” nomli spektaklini tomosha qildilar.
Jizzax davlat pedagogika universiteti “Parvoz” talaba teatr studiyasi tomonidan Abdulla Qodiriyning «Mehrobdan chayon» romani asosida sahnalashtirilgan spektakl taqdim etildi.
