Termiz davlat universitetida Oʻzbekiston davlat drama teatri jamoasi tomonidan sahnalashtirilgan “Ojiza demang bizni” nomli komedik spektakl namoyish etildi.
Ibrohim Sodiqovning “Afandining besh xotini” asari asosida Rasuljon Togʻayqulov rejissyorligi asosida sahnalashtirilgan mazkur spektaklda ayollarning jamiyatdagi o'rni, ularning har jabhada ilg'or ekanligi aktyorlar tomonidan mohirona ijro etildi.
Ayniqsa,"Teatr haftaligi" doirasida talabalar e'tiboriga komediya janridagi spektaklning havola etilishi, yoshlarga haqiqiy kulgu zavqini ulashdi. Shuningdek, tomoshabinlar aktyorlar ijrosidagi joʻshqin, shoʻx musiqa va raqslardan bahramand boʻlishdi.
Teatr har qanday davrda, hayotiy saboqlar beruvchi jonli vosita hisoblangan. Inson ma'naviyatini yuksaltirishda uning alohida o'rni bor. Iqtitorli aktyorlar tomonidan namoyish etilgan mazkur spektakl ham talabalarning vaqtini mazmunli o'tkazish, ma'naviy olamini yanada boyitishga xizmat qildi.
Oliygohda spektal tomoshalari davom etmoqda.
Bizni kuzatishda davom eting!
