Termiz davlat universiteti rektori, professor A.Maraximov hamda Xitoy Madaniy meros instituti direktori Ma Jian oʻrtasida xalqaro hamkorlikni kengaytirishga doir uchrashuv boʻlib oʻtdi.
Muzokarada TerDU tarix fakulteti dekani Sh.Abdulloyev, professor Sh.Shaydullayev, tarix fanlari nomzodi dotsent T.Annayev va xitoylik mutaxassislar ham ishtirok etishdi.
Maʼlumot oʻrnida, Xitoy Xalq Respublikasining Janubiy-gʻarbiy universiteti boshchiligidagi 11 nafar professor-olimlardan iborat delegatsiya Termiz davlat universitetiga tashrif buyurgan.
Tashrifdan koʻzlangan asosiy maqsad ikki universitet hamkorligida Surxondaryo vohasida qadimgi odamlar va tabiatning oʻzaro munosabati loyihasi boʻyicha 2023-2025-yillarda ilmiy-amaliy ishlar olib borish koʻzda tutilgan. Shuningdek, Milodiy VIII asrgacha boʻlgan vohadagi 40 dan ortiq yodgorliklarni oʻrganish rejalashtirilgan.
Uchrashuv natijasida ikki oliy oʻquv yurti olimlarining kelajakdagi istiqbolli rejalari muhokama etildi va yakunda memоrandum imzolandi.
Bizni kuzatishda davom eting!
