Oʻzbekiston yoshlar ittifoqi Termiz davlat universiteti boshlangʻich tashkiloti tashabbusi bilan “Zakovat” intelektual oʻyini oʻtkazildi. Unda universitetimizdagi barcha bakalavriat va magistratura bosqichida taʻlim olayotgan talabalardan tuzilgan 72 ta jamoada birlashgan talabalar oʻzaro bilim va tajribasini sinovdan oʻtkazishdi. Har bir jamoada 6 nafardan ishtirokchi qatnashdi.
Mazkur bellashuv haqiqiy bilimlar sinoviga aylanib ketdi. Savollar qatoridan mantiqiy, mushohadaga chorlovchi mavzular ham oʻrin olgani oʻgʻil-qizlarning nechogʻli izlanuvchan, bilimga chanqoq ekanligini yana bir bor isbotladi.
Ilmga, tafakkur bahsiga tikilgan sarmoya — beiz ketmaydi. Chempionat soʻngida
1-oʻrin “Oʻzgacha” — 2 500 000 soʻm;
2-oʻrin “Ideal Plus” 1 500 000 soʻm;
3-oʻrin “Progress”, “Lawyer”, “Imperiya” jamoalari egallashdi va bu jamoalarning har biri 1 000 000 soʻm pul mukofotlarini qoʻlga kiritishdi.
