Xabaringiz bor, joriy yilning 30-aprel sanasida mamlakatimiz ijtimoiy-siyosiy hayotida muhim voqea boʻlib oʻtadi. “Oʻzbekiston Respublikasi Konstitutsiyasi toʻgʻrisida”gi Oʻzbekiston Respublikasi Konstitutsiyaviy Qonuni umumxalq referendumida ovozga qoʻyiladi.
Shu munosabat bilan, Termiz davlat universiteti Axborot texnologiyalari fakultetida “Yangilanayotgan Konstitutsiya loyihasi muhokamada” mavzusida tadbir bo‘lib o‘tdi.
Unda viloyatimizda turli sohada faoliyat yuritgan nuroniylar va professor-o‘qituvchilar ishtirok etdi.
Tadbirda so‘zga chiqqanlar tomonidan davlatimiz va xalqimiz hayotida Konstitutsiyaviy islohotlarni umumxalq referendumi orqali amalga oshirilishi bilan bog‘liq katta siyosiy voqea bo‘lib o‘tishi, referendum jarayonlarida har bir fuqaroning shaxsan o‘zi ishtirok etishi hamda referendum o‘tkazish tartiblari haqida tushunchalar berildi.
