Bugun Termiz davlat universiteti axborot texnologiyalari fakultetiga O‘zbekiston Respublikasi IIB axborot texnologiyalari bo‘yicha vazir o‘rinbosari N.To‘raxo‘jayev tashrif buyurdi.
Vazir o‘rinbosari dastlab fakultetdagi qurilish obyektlarining loyihalari va yaratilgan shart-sharoitlar bilan tanishdi.
Shundan so‘ng amaliy matematika yo‘nalishi 3-kurs talabalari bilan uchrashdi.
Uchrashuv davomida bugungi kunda axborot texnologiyalari sohasida olib borilayotgan islohotlar hamda erishilayotgan yutuqlar haqida so‘z yuritdi va talaba yoshlarning bu boradagi takliflarini tingladi.
Shuningdek, oliygohda tashkil etilgan IT markazini ham ko‘zdan kechirdi va u yerdagi mutaxassislar bilan birgalikda yurtimizda axborot texnologiyalar sohasida uchraydigan muammo va kamchiliklar, ularni bartaraf etish hamda ushbu markazda tahsil olayotgan kadrlarning imkoniyatlari haqida suhbatlashdi.
Uchrashuv yakunida vazir o‘rinbosari N.To‘raxo‘jayev talaba-yoshlar va markaz mutaxassislariga ishlariga omad, faoliyatiga esa ulkan zafarlar tiladi.
Bizni kuzatishda davom eting!
