Yigʻilishda boʻlim boshliqlari, fakultetlarning yoshlar bilan ishlash va oʻquv ishlari boʻyicha oʻrinbosarlari hamda tyutorlar ishtirok etishdi.
Yigʻilishning asosiy masalasi hududlardan kelayotgan talaba-yoshlarni kutib olish va ularni ijara xonadonlari va TTJlarga joylashtirish masalasi koʻrildi.
Shuningdek, saqlanib qolayotgan sovuq ob-havo sharoitlarida Ijara xonadonlarda va TTJlarda yashovchi talabalarga isitish moslamalaridan foydalanishda xavfsizlik qoidalariga e’tiborliroq boʻlish, is gazidan zaharlanishning oldini olish boʻyicha koʻrsatmalar berish kerakligi taʼkidlab oʻtildi.
Tyutorlarga esa oʻzlariga biriktirilgan talabalarning ijara xonadonlaridagi sharoitlarini oʻrganish, har bir talaba bilan shaxsan bogʻlanib, ularning muammolarini oʻrgangan holda universitet shtabiga maʼlum qilish hamda muammolarning yechimlarini hal qilish boʻyicha zaruriy koʻrsatmalar berildi.
Shuningdek, oʻquv jarayonlarini tashkil qilish, yakuniy va oraliq nazoratlarini belgilangan shakllarda moslashtirilgan oʻquv grafiklariga muvofiq amalga oshirish boʻyicha kerakli topshiriqlar berildi.
Bizni kuzatishda davom eting!
