Termiz davlat universitetida "Markaziy Osiyoda zo‘ravonlik xavfi ostida bo‘lgan va zo‘ravonlikka uchragan ayollarni qo‘llab -quvvatlashda fuqarolik jamiyati salohiyatini kuchaytirish" loyihasi doirasida 1-dekabr Xalqaro OITSga qarshi kurashish kuni munosabati bilan "Biz sog‘lom turmush tarzi tarafdorimiz" mavzusida axborot uchrashuvi bo‘lib o‘tdi.
Uchrashuvda universitet Xotin-qizlar masallari bo‘yicha rektor maslahatchisi D.Hamzayeva, "Ayol va shodlik" NNT rahbari G.Yusupova, OITSga qarshi kurashish markazi tibbiyot xodimi R.Akbarov, N.Quziyeva va R.Kulatovalar ishtirok etishdi.
Tadbir davomida ishtirokchilarga turli yuqumli kasalliklarga chalinishni oldini olish va unga qarshi kurashish yo‘llari, nikohdan oldingi yuridik va psixologik maslahatlar berildi.
Uchrashuv yakunida ishtirokchilar o‘zlari qiziqtirgan savollarga javob olishdi.
