Termiz davlat universitetida talaba-yoshlarning ilg‘or g‘oya, taklif va tashabbuslari bilan yaqindan tanishish, ularning muammolarini hal qilish hamda talaba-yoshlar o‘rtasida “Ekstremistik va terroristik xatti-harakatlarning huquqiy va salbiy oqibatlari” mavzusida uchrashuv bo‘lib o‘tdi.
Tadbirda internet va ijtimoiy tarmoqlar orqali tarqalayotgan mafkuraviy xatarlar va ularni oldini olish, bugungi globallashuv davrida turli mafkuraviy tahdidlar va ularga qarshi kurashish masalalari bo‘yicha atroflicha so‘z yuritildi, hayotiy misollar keltirildi. Internet tarmog‘i orqali diniy ekstremistik g‘oyalar, “ommaviy madaniyat” targ‘ibotchilari yoshlarimiz ongiga o‘zlarining g‘oyalarini singdirishga urinayotganliklari, soha mutaxassislari bu kabi salbiy tahdidlarning oldini olish, ularga qarshi maʼrifat bilan kurashish to‘g‘risida fikr-mulohazalarini bildirdi.
Termiz davlat universiteti Matbuot xizmati
