Prezident Shavkat Mirziyoyevning 2019-yil 15-noyabrdagi “Millatlararo munosabatlar sohasida Oʻzbekiston Respublikasi davlat siyosati konsepsiyasini tasdiqlash toʻgʻrisida”gi farmoni ijrosi doirasida yurtimizda har yili 16-noyabr – Xalqaro bagʻrikenglik kuniga bagʻishlangan “Bagʻrikenglik haftaligi” tashkil etiladi.
Joriy yil 15-21-noyabr kunlari Oʻzbekistonda 16-noyabr – Xalqaro bagʻrikenglik kuniga bagʻishlangan “Bagʻrikenglik haftaligi” oʻtkazilishi rejalashtirilgan.
Haftalik doirasida Termiz davlat universitetida “Kitobxonlik bizni birlashtiradi” nomli kitoblar koʻrgazmasi, “Milliy an’ana va udumlar” nomli turli millat vakillarining urf-odatlari va an’analarini aks ettiruvchi ko’rgazma, “Mening bag’rikeng dunyoyim” rasmlar ko’rgazmasi hamda "Biz bir mamlakatda yashayotgan yagona xalqmiz" mavzusida ilmiy-amaliy seminar tashkil etildi.
“Bagʻrikenglik haftaligi”ni oʻtkazishdan maqsad – jamiyatimizda doʻstlik va bagʻrikenglik muhitini mustahkamlash, yoshlarni Vatanga muhabbat va sadoqat, milliy va umuminsoniy qadriyatlarni hurmat qilish ruhida tarbiyalash, xorijiy mamlakatlar bilan doʻstlik aloqalarini rivojlantirishdan iborat.
